Júhú... alltaf gaman að fá gott feedback frá kennaranum. Ég er búin að skila þremur verkefnum í NÁT113 (jarðfræði) og fæ A fyrir þau öll!!! Ekkert smá ánægð með sjálfa mig, gömlu konuna!

Ég þarf hins vegar að fara að taka mig á í ÍÞR111 og fara oftar í Baðhúsið. Nennir ekki einhver að sparka í rassinn á mér á hverjum degi með þetta? Mér finnst erfitt að hunskast af stað.

Annars er fátt að frétta svo sem. Sé fram á torfærugengisdjamm núna á morgun, svo verður óvissuferð í vinnunni föstudaginn 14. okt. Ég er enn svekkt yfir því að hafa misst af Singstar keppni Grettisgötu 89 en var svo sem á næst-uppáhaldsstaðnum mínum í heiminum í staðinn þannig að það var engan veginn slæmt.

Ég prjóna og prjóna á kvöldin, er að reyna að klára buxur á litla snúðinn, hann systurson minn. Ég er búin með peysuna og nú er bara fram og til baka, fram og til baka í skálmunum, svaka fjör :) (og ég skil ekki, núna þegar ég les þetta yfir, af hverju ég prjónaði ekki skálmarnar strax í hring!!!) Ég vona að hann verði ekki vaxinn upp úr þessu þegar ég loks klára! Lítið hefur farið fyrir saumaskap hjá mér undanfarið vegna þessa, en ég ætla að demba mér í það þegar buxurnar eru búnar. Þarf reyndar líka að klára lopasokka á eldri dömuna mína, ég er búin með einn og hálfan ;) Ætti svo sem að geta klárað það á einni kvöldstund.

Það er föstudagur og ég er engan veginn í vinnustuði! Hlakka ótrúlega mikið til að geta kúrt til ca. 8 í fyrramálið ;)