20.4.08

Ha...

Hmm...

Nú tókst mér aldeilis að koma sjálfri mér á óvart. Varúð.. mikið mont í gangi!!!

Ég fékk 10 fyrir ritgerðina mína um JFK í Ensku 503!!!! Ég lá í heila viku yfir þessari ritgerð og bjóst nokkurn veginn við því að hún væri krapp því ég hef náttúrulega ekki stundað það mikið að skrifa ritgerðir. Like ever!

Svo bara fékk ég 10 og commentið frá kennaranum: As good an essay as I've ever seen in ENS503. Full marks received. Good job!

Monti monti monti monti monti
monti monti monti monti monti
monti monti monti monti monti
monti monti monti monti monti mont!

17.4.08

Mikið er ég ánægð með ofur-okur-fyrirtækið Icelandair! Loksins er maður búinn að eyða nógu andsk.. miklum pening til þess að hafa getað safnað nógu andsk.. mörgum punktum til þess að geta notfært sér helmingsafsláttartilboð vildarklúbbsins fyrir alla fjölskylduna! Við vorum sem sagt að bóka hele familien til Glasgow 5. til 14. ágúst og ætlum að skoða hálöndin, nokkur glen, nokkra ben og nokkur loch.

Þá er bara að ákveða hvaða ferðamáti verður.
a) leigja venjulegan bíl og gista á bed&breakfast út um allt
b) leigja húsbíl og ferðast bara þangað sem okkur dettur í hug
c) leigja kofa á miðjum hálöndunum og ferðast þaðan dagsferðir

Ef einhverjum dettur í hug fleiri ferðamátar, endilega látið mig vita :)

15.4.08

Þegar ég var ung að árum (8-10 ára gömul) dýrkaði ég Stevie Nicks úr Fleetwood Mac. Hún var bara svo.... mikill hippi, eitthvað. Mér fannst hún alveg frábær. Og finnst enn. Ótrúlega spes rödd og draumkennt útlit hennar hafa alltaf einhvern veginn höfðað til mín.

Þegar ég varð aðeins eldri fannst mér ég vera að líkjast Christine McVie, sem mér fannst frekar boring karakter.

Í dag horfi ég til baka og dýrka enn Stevie Nicks. Lög eins og þetta koma mér alltaf í gott skap og það er fátt skemmtilegra en að syngja þetta alveg á milljón eins og enginn sé að hlusta.



Undanfarin ár hef ég líka náð að taka Christine McVie í sátt. Hún er ekki alveg eins boring og ég hélt að hún (og ég) væri. Sá meðfylgjandi tóndæmi :)