Eftir tvo daga nákvæmlega verðum við hjónin upp við sviðið í Egilshöll! 11 klikkaðir bretar allt í kringum okkur og brjálaða íslenska liðið allt í kring. Þetta verður geggjað kvöld :)


Það eru ekki allir sem eru svona sætir stuttu eftir 45 ára afmælisdaginn sinn!

My pirate name is:

Dirty Bess Rackham

You're the pirate everyone else wants to throw in the ocean -- not to get rid of you, you understand; just to get rid of the smell. You have the good fortune of having a good name, since Rackham (pronounced RACKem, not rack-ham) is one of the coolest sounding surnames for a pirate. Arr!

Get your own pirate name from fidius.org.

6 dagar :) :) :) :) :) :) :)

What Classic Movie Are You?
personality tests by similarminds.com

Jæja, nú er aðeins vika í tónleika. Ég var að fá tölvupóst frá Jenn, sem vinnur fyrir duranduranmusic.com, með upplýsingum um VIP partýið... Ég verð mætt í Egilshöllina bara um hálf fimm leytið þann 30. júní! Vúhú!!!

Svo heldur hún, þessi elska, að það sé búið að selja 14 VIP miða... ég veit um mig og minn eiginmann + 8 breta... það skyldi þó ekki vera að einhverjir íslendingar séu jafn klikkaðir og ég að eyða fullt af pening í þessa frábæru hljómsveit??!!??!!

Enívej.. ég hlakka mikið til. Er alveg komin í gírinn og langar bara helst að þetta verði á morgun... eða í kvöld! En þar sem "strákarnir mínir" eru að spila í Grikklandi í kvöld og verða svo í Noregi og Svíþjóð á mánudag og þriðjudag, verð ég víst að vera svolítið þolinmóð. Hef náttúrulega beðið í 21 ár eftir því að þeir spili hér á landinu *mínu*.. hlýt að geta beðið í viku í viðbót :-Þ

8 dagar í VIP-lífsreynslu. Ég er frekar spennt. Er í Duran Duran bolnum mínum og allt í dag ;-)

Var að frétta að það hafi selst 4 VIP miðar í viðbót, þannig að nú verðum við allavega 10 í VIP hópnum á tónleikunum. Og ég og eiginmaðurinn erum einu íslendingarnir í þeim hópi!

Búin að ráðstafa A-miðunum sem ég vann um daginn. Þarf bara að reyna að vinna fleiri miða til að koma fleira fólki á tónleikana ;-)

Og já, það þarf ekki mikið til að koma kílóafjöldanum niður á við á stuttum tíma. Ég hef, með auknu samviskuleysi í áti á kvöldin, komið mér næstum því í þá tölu sem ég var í fyrir ári síðan. Svo hef ég nú í 3 daga tekið grænt te í töfluformi (2 töflur á dag) og ekki borðað neitt eftir kl. 8 á kvöldin. Voila.. fyrsta kílóið og hálfa farið í morgun. Ég nenni ekki að verða eitthvað búttuð... langar það bara engan veginn... finnst það ekki passa mér. Ég þarf bara að sýna smá sjálfstjórn!

Flottir strákar :)

Já hmm... Duran Duran miðarnir eru á A-svæði. Andvirði 9.900 kr stykkið. Viltu bjóða í þá, Heiða María? :)

Ég er rosalega spennt fyrir Depeche Mode... það verður geggjað að sjá þá! Var líka að finna hið fullkomna hótel til að vera á... ekki langt frá djamminu!

Þvílíkur dagur :) og hann er varla hálfnaður :) :) :)

Ég fékk póst á póstlista Wembley í morgun, upplýsingar um tónleika Depeche Mode í Wembley Arena, sem verða 3. apríl, 2006. Þvílíkur draumur að komast á þessa tónleika :) þannig að ég bara keypti miða. Litla systir mín ætlar með og djís hvað við eigum eftir að skemmta okkur vel. Klikkað fjör í London!

Svo var útvarpsgetraunin á Bylgjunni... 2 miðar á Duran Duran í verðlaun. Enginn séns að ná í gegn, hélt ég, en reyndi samt. Alltaf á tali.. reyni nokkrum sinnum í viðbót... svo kom sónn... og Ívar svaraði: Jæja, ætlar þú að reyna við spurninguna okkar? Mér brá svolítið og sagði "Ha, ertu að djóka?" "Nei, þú ert númer 10 í röðinni." :) Þá var það spurningin.. ég titraði og skalf af sviðsskrekk, þar sem ég var nú í beinni útsendingu. Hvaða ár fæddist Jón Sigurðsson? a) 1801 b) 1811 eða c) 1821 ? Úff... ég hafði ekki hugmynd um það en varð að skjóta fram svari því ég fékk bara 5 sekúndur... giskaði á 1811 og..... það var rétt!! Ég ætlaði ekki að trúa því! Þannig að... nú á ég 2 aukamiða á Duran Duran :) Veit ekki hvort þeir eru fyrir a eða b svæði, kemst að því á eftir þegar ég sæki þá. Þá er best að komast að því hvaða vinir mínir vilja komast á Duran Duran án þess að þurfa að borga morð fjár :) Auction is open ;)

Best að vinna smá...

Ég komst ekki hjá því að hlusta á brot úr samtali er ég labbaði framhjá Hlemmi í gærmorgun. Kona, nokkuð illa til fara, með tvær stórar töskur, stóð fyrir framan Hlemm og hrópaði til manns sem stóð hinum megin við götuna. "Ég var bara að losna út í morgun." "Nú? Og hvert ætlarðu að fara?" hrópaði maðurinn á móti. "Ég var sko bara að losna í morgun" hrópaði konan aftur. "En hvert ertu að æða?" spurði maðurinn. "Ég var nefnilega að losna bara í dag" hrópaði konan aftur og enn þegar ég var komið að búðinni og hvarf inn í hana.

Þegar ég kom út aftur var konan horfin. Hún hafði sem sagt losnað um morguninn og strætóinn ábyggilega tekið hana með sér einhvert út í buskann.

Ósmekklegasta útvarpsauglýsing aldarinnar:

"Ertu frægur? Varstu að halda framhjá en manst ekki alveg með hverjum?
Hér og nú, þar sem fræga fólkið les um fræga fólkið."

Æl..

Hlaupabóla is in da house. Yngri dóttirin er öll í bólum, út um allt. Ekki gaman. Mikill kláði og slæm nótt, lítið sofið. Mér leið eins og ég væri í "The Itchy and Scratchy Show" á tímabili. Er búin að kaupa Clarityn í fljótandi formi sem á að losa hana við kláðann. Leiðinlegt að þurfa að gefa henni svona lyf en ég bara meika ekki aðra svona nótt...

*geisp*

Svo á maður víst að mæta í vinnudjamm kl. 3 í dag. Jæks... verð alveg hressasta manneskjan á landinu.

Ég hefði síðan alveg verið til í að fara í þrítugsafmæli í kvöld en ætla nú ekki að gera ömmunni og afanum það að vera með hlaupabólubarnið yfir nótt.

19 dagar í VIP - Duran Duran. Fékk póst í gær frá stelpunni sem er að skipuleggja VIP partýið og sagðist vera að ganga frá öllum smáatriðum varðandi partýið. Meiri upplýsingar koma eftir nokkra daga :-)

Ég er byrjuð í Líffræði 103 í fjarnáminu. Sá mér til mikillar skelfingar í bókinni að ég eigi eftir að þurfa að læra um flatorma og önnur slík ógeðs dýr. Ekki uppáhaldið. Ekki furða að ég sé ekki líffræðings-material.

Fékk annars 82 einingar metnar úr "fyrra lífi". Búin með 6 í viðbót í FÁ þannig að þetta kemur hægt og hljótt. Fékk allskonar versló-dót metið upp í val einingar þannig að það er mest megnis skyldueiningar sem ég á eftir að taka. Jei...

Surprise, surprise!!!


Cocktail


?? Which Alcoholic Drink Are You ??
brought to you by Quizilla

Ég mæli eindregið með fataútsölum :) Fór í gærkvöld í Friendtex í Síðumúlanum og gerði rosalega góð kaup. Tók litlu systur með og það lá við að hún fengi hjartaáfall yfir æsingi því hún gat keypt sér töff föt á lágu verði :) Mikið fjör hjá okkur stelpunum.. mátuðum svona um það bil einn fjórða af búðinni, held ég.

Ég er farin að hlakka til sunnudagsins þar sem ég ætla á útgáfutónleika Hildar Völu með eldri dóttur minni. Vonandi tekst henni að halda tónleikana í þetta skiptið ;)

Annars er ekkert svakalega mikið á dagskránni fyrir helgina. Rólegheit og stelputími með litlu dömunni minni þar sem maðurinn minn verður víst vinnandi alla helgina.

27 dagar í Djúran. Ég er að vinna í bolnum....

Mikið var hressandi að hjóla í vinnuna í morgun. Í mp3 spilaranum hljómaði þetta á leiðinni:
1. Nice - Duran Duran - rosalega hresst sumarlag, alveg tilvalið til að byrja niður brekkuna :)
2. I can't be with you - The Cranberries - Fékk þetta lag á heilann um daginn.. get ekki hætt..
3. Saturday in the park - Chicago - Þetta er náttúrulega bara the ultimate motivational lag, góður taktur til að hjóla við og ferlega skemmtilegt.
4. Where the rose is sown - Big Country - Hið fullkomna 80's rokk. Í minningu Stuart Adamson sem var rokna söngvari og gítarleikari. Híííjaaa...
5. Overkill - Men at work - Þá er það ástralska tónlistin sem má ekki skilja út undan: Colin Hay, maðurinn með lata augað. Þetta er snilldar lag sem ég enduruppgötvaði í þættinum Scrubs fyrir ca. tveimur árum og hef ekki getað hætt að hlusta á síðan.

Svona hagaði uppáhalds bassaleikarinn minn sér eftir tónleika í Birmingham á Englandi sl. laugardagskvöld. John í leðurbuxum.. hann veit hvað stelpurnar vilja ;)


Ég mæli svo með Body Balance í Baðhúsinu í kvöld. Mæti hress og kát ;)